Óvenjulega fólkið

Ólíkt þessum fjármálaráðherra er ég greinilega úti á þekju, ég stóð nefnilega í þeirri trú að ég og flestir í kringum mig værum venjulegt fólk. Mér skjátlaðist. Við erum óvenjulegt fólk sem fjárfesti í íbúðarhúsnæði og fjármagnaði það að hluta til með lánum.

 

Blokkaríbúð fyrir daga fasteignabólunnar:

31.12.2005  Staða láns 9.290.685,    Fasteignamat 14.011.000. Hrein eign 4.720.315

31.12.2010  Staða láns 13.117.115   Fasteignamat 14.200.000. Hrein eign 1.082.885

En hann mikið á hann nú gott þessi blessaði íbúðareigandi, því hin góða ríkisstjórn kemur til bjargar og lagar stöðuna í vaxtabótakerfinu. Því fær hann 72.912 kr. í vaxtabætur og 78.703 kr. með sérstakri vaxtaniðurgreiðslu. Samtals 151.615 kr. Íbúðareigandinn vill þó frekar fá leiðréttingu á láninu, en aurana. Þvílíkt vanþakklæti! En greyið, hann er jú í hópi hinna óvenjulegu.

Ætli Steingrímur, Jóhanna og ríkisstjórnin vilji einvörðungu byggja þetta land með venjulega fólkinu. Venjulega fólkið, hvaða fólk er það? Er það fólkið sem fær afskrifað, fólkið sem fékk inneign sína í bönkunum að fullu bætta, fólkið sem fær fjármagn og nýjar kennitölur til þess að keyra í þrot? Því margir í hópi hinna óvenjulegu sem áttu ekki bankainnistæðu, bara hreina eign í steypu, eru að gefast upp. Þetta óvenjulega fólk mun flytja úr landi eða hefur þegar flutt, í von um betra og mannsæmandi líf.

 Þvílík framtíðarsýn!

Baráttukveðjur til allra hinna óvenjulegu,  Hundamamman

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á samfélagi og stjórnmálum   Kveðja Lappi

„Ekki hjá venjulegu fólki“

Gleðilegt Sumar!

Gleðilegt sumar bloggheimur allur og veraldarvefur.

 Mamma hefur verið að nota bloggið mitt undanfarið en nú er tímabært að ég láti ljós mitt skína í stíl við sólina sem einhvern tímann ætlar að láta sjá sig.

Mamma kvartar yfir veðrinu og vill fá sólina og lofthitann upp á við. Ég kann hins vegar miklu betur við mig í snjónum, þótt það sé komið sumar.

 kv. Lappi

Gulag Össurar

Auðvitað er maðurinn að lesa Gulag - Icesave er "skiptimyntin" inn í ESB 

Við erum öll á leið í skuldafangelsi, nema forsetinn komi okkur til bjargar öðru sinni

 

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Icesave-samningur samþykktur

Berum hana út!

Á hennar vakt hefur fólk verið borið út af heimilum sínum.

Á hennar vakt versnar sífellt staða fyrirtækja og heimila.

Á hennar vakt verður vont verra.

Við gefum henni hér með góðfúslegt leyfi til að ljúka þessari vakt strax. Að öðrum kosti berum við hana út úr stjórnarráðinu.

 kv. Hundamamman

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Jóhanna: sit út kjörtímabilið

Reiknimeistarar ríkisins

Ég er farin að halda að það eina sem þessi stjórn reikni út, eða láti reikna út fyrir sig kunni hún það ekki, er hversu mikið safnist í eftirlaunasjóðinn hverja viku sem þau sitja límd við stólana, í óþökk meirihluta þjóðarinnar og þykjast vera að gera eitthvað fyrir heimilin.

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Niðurstaðan gerbreytir allri umræðu

Spilling til vinstri

Þegar Steingrímur Joð var í stjórnarandstöðu, var hann óþreytandi að benda á einkavinaráðningar þáverandi stjórnar.  En núna þegar vinir Samfylkingar eða VG fara í opinber störf á vafasömum forsendum þá sleppir hann því að mótmæla.

Ætli honum finnist spilling til vinstri svona miklu betri en spilling til hægri?  Það er vægast sagt ömurlegt að horfa upp á þetta og vonin um betra Ísland dofnar sífellt meira og meira, í hvert skipti sem þessir Ó-stjórnarliðar tjá sig í fjölmiðlum.

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Enginn umsækjenda kallaður í viðtal

Bæturnar

Þessi velferðarstjórn er algjör brandari. Þau hækkuðu vaxta- og barnabætur á síðasta skattári, á þessu ári skulu þær skerðast. Ætli það hafi ekki bara verið inni í myndinni allan tímann, að ná því á næsta ári sem greitt er á þessu.

Hafi öldruðum og öryrkjum tekist að nurla saman í sparnað, er þeim refsað.

Jóhanna og Steingrímur eru bestu vinir bankahólfanna.

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Allar greiðslur frá Tryggingastofnun tekjutengdar

Buuuuurrrrrrrrt!

Sviknu loforð Steingríms eru svo mörg. Kannski getur hann framkvæmt eitthvað sem hann lofaði ekki, t.d. komið með raunverulegar lausnir til bjargar íslenskri þjóð. En ég hef enga trú á því lengur, líkt og margir hellist vonleysið yfir þegar ríkisstjórnarliðið opnar munninn

Steingrímur heldur því fram að margt hafi áunnist, en það hefur alveg farið framhjá megin hluta þjóðarinnar. Undir lok ræðu sinnar hvetur hann okkur til þess að vera bjartsýn og trúa á framtíðina. Við mjökumst kannski í þá átt þegar þessi stjórn segir af sér.

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Loforðið snerist um að fara ekki í flata skuldalækkun

Múrarnir

Í Þýskalandi reistu kommúnistar Berlínarmúrinn  -  Í Moskvu reistu kommúnistar Kremlarmúrinn

Á Íslandi er Alþingishúsið víggirt með áli. Hér er greinilega hrein vinstri stjórn.

Sjáumst á Austurvelli í kvöld - kveðja Hundamamman

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum. Ég mæti á mótmælin í kvöld,  með mömmu.   Kveðja Lappi

Girðing um Alþingishúsið

Með augun gal-lokuð

Þessi maður sér ekkert nema eigið vald.

Þótt Sjálfstæðisflokkurinn megi alveg vera í fríi lengur, er það óásættanleg stefna Stjórnarflokks að gera hvað sem er til þess að halda völdum.  Það er óafsakanlegt að fórna heill þjóðarinnar fyrir slíkan málstað.

Áður en Joðið komst í ríkisstjórn, bar ég mikla virðingu fyrir honum sem stjórnmálamanni, þótt ég væri ekki alltaf sammála honum. Sú virðing fauk korteri eftir stjórnarmyndun, um leið og hann sveik stefnu flokks síns.

 Það er kominn tími til að hann galopni augun. Hann sæi þá máske vanda tugþúsunda heimila og snéri sér að einhverju öðru og þarfara en að halda íhaldinu frá völdum.

kv. Hundamamman

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

 

Óánægja vegna skuldavanda