Múrarnir

Í Þýskalandi reistu kommúnistar Berlínarmúrinn  -  Í Moskvu reistu kommúnistar Kremlarmúrinn

Á Íslandi er Alþingishúsið víggirt með áli. Hér er greinilega hrein vinstri stjórn.

Sjáumst á Austurvelli í kvöld - kveðja Hundamamman

 

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum. Ég mæti á mótmælin í kvöld,  með mömmu.   Kveðja Lappi

Girðing um Alþingishúsið

Með augun gal-lokuð

Þessi maður sér ekkert nema eigið vald.

Þótt Sjálfstæðisflokkurinn megi alveg vera í fríi lengur, er það óásættanleg stefna Stjórnarflokks að gera hvað sem er til þess að halda völdum.  Það er óafsakanlegt að fórna heill þjóðarinnar fyrir slíkan málstað.

Áður en Joðið komst í ríkisstjórn, bar ég mikla virðingu fyrir honum sem stjórnmálamanni, þótt ég væri ekki alltaf sammála honum. Sú virðing fauk korteri eftir stjórnarmyndun, um leið og hann sveik stefnu flokks síns.

 Það er kominn tími til að hann galopni augun. Hann sæi þá máske vanda tugþúsunda heimila og snéri sér að einhverju öðru og þarfara en að halda íhaldinu frá völdum.

kv. Hundamamman

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

 

Óánægja vegna skuldavanda

ESB og "BÍP"...

Mamma, anti-ESB, fær ekki bloggið mitt lánað í dag. Hún getur bara haldið áfram að ganga um gólf, reyta hár sitt og tauta í sífellu; "ESB bákninu er ekkert óviðkomandi, nú getur íslenska "wannabe" ESB-stjórnin fundið sér nýtt viðfangsefni og þarf þá ekki að einbeita sér að stöðu íslenskra heimila"

Annað sem hún hefur látið út úr sér um þessa frétt og "Bíp-leikföng" er ekki prenthæft. Þetta er bloggið mitt og aldri lesenda engin takmörk sett. 

kv. Lappi

Görótt kynlífsleikföng

Steingrímur hótar,,,, hefur lært vel í S-amstarfinu

 

Eru þetta brýnustu málin, forgangsröðunin hjá Steingrími?  

- "Fjármálaráðuneytið hefur gefið út handbók undir yfirskriftinni Kynjuð fjárlagagerð " Þetta hljómar fekar eins og Spaugstofuhandrit en aðkallandi verkefni ríkisstjórnar í landi þar sem fjölmörg heimili eru á leiðinni á hliðina.

- "Skattlagning afskrifta er hluti aðgerða sem ríkisstjórnin kynnti í fyrradag"  Er þetta innslag í Skaupið? Almenningur verður látinn greiða skatt af leiðréttingu á höfuðstóli húsnæðislána. Ríkisstjórnin gæti þá notað það illa fengna fé í ESB aðildarumsóknina

Ef Steingrímur Joð heldur áfram "að vinna sínum málum brautargengi" verður útkoman þessi:

Vondur D-listi er skárri valkostur, hótanirnar hafa ekki áhrif lengur.

Já, ég vil frekar fá Sjálfstæðisflokkinn aftur

 

Hundamamman

Ég lánaði mömmu bloggið mitt. Bloggfærslan er alfarið á ábyrgð hennar og endurspeglar ekki á neinn hátt álit mitt á stjórnmálum   Kveðja Lappi

Kippi mér ekki upp við kannanir

Jólakortamyndatakan

Ég er fyrirsæta

Mamma er nefnilega að gera jólakortin núna (alltaf er hún jafn tímanleg í kortagerðinni) og á jólakortinu þarf að vera hin fullkomna mynd. Ég var einn heima með henni og myndavélinni

Og hver er svo mynd ársins:

Þessi mynd??

Eða er þessi kannski betri?

Þessi er flott Fórnarlambshlutverkið fer mér vel

 

Við höfum ekki ákveðið hvaða mynd fer á jólakortið. Það eru jú enn 6 dagar til jóla og óþarfi að stressa sig um of. Ég veit að ættingjar mínir og vinir verða glaðir um páskana þegar bréfberinn færir þeim jólakveðjuna

Ég fæ ekki að vera veiðihundur!

Ævar frændi minn vill endilega fá mig með sér og Garpi á veiðar, en Mamma leyfir það ekki. Hún segir þetta sport stórhættulegt, skyttur týnast, verða fyrir voðaskoti, já og brotna. Ég skil ekki þetta röfl og mótbárur Mömmu, ég vil fara með Ævari þegar hann segir "ÚT – VEIÐA"

En Mömmu minni verður ekki haggað "veiðar eru hættulegar Lappi og þú ferð ekki neitt, það gæti einhver skotið þig" Ég verð víst að hlýða, hanga heima og skipta mér af framkvæmdunum á meðan Ævar og Garpur elta fugla

　

Rjúpnaskytta fótbrotnaði

Bráðum!!!!!

Sko, mamma sagði í hádeginu: Garpur kemur bráðum. Ég náði þessu alveg; Garpur kemur, en ég skil ekki þetta bráðum

Ég hef því vælt og stunið, og átt alveg ótrúlega bágt alveg frá hádegi. Ég hleyp hæða á milli, ligg vælandi á forstofugólfinu eða uppi í glugganum á herberginu mínu. Garpur kemur, ég veit það en það má alveg sleppa þessu "bráðum"

Hundar og Kettir

Lítill kettlingur er fluttur heim til Hrafnhildar nágranna míns og vinkonu. Þessi óvelkomni íbúi lætur fara vel um sig í gluggakistunni og þykist ekki taka eftir mér og geðvonskulegu urrinu

 Mamma getur tuðað út í eitt. Þessi litli kettlingur er ekki sætur, og hann verður ekki vinur minn 

Ég hætti ekki þessu geðvonskulega urri úti á palli fyrr en hann flytur!

Til hamingju elsku hluthafi

Ég skellti mér líka í sund og setti met, en bara óvart

Ég ætlaði nefnilega að stökka yfir skurð í Fossvogsdalnum áðan, en það tókst ekki alveg, ég lenti á maganum ofan í miðjum skurðinum. Og eins og það væri ekki nógu neyðarlegt (ég setti upp "það sá þetta enginn" svipinn), þá tók það mig margar tilraunir að skríða aftur upp úr mýrardrullunni

Ég hef aldrei orðið svona drullugur á ævinni, hef slegið met í að skíta mig út. Allur feldurinn er útataður í rauðum mýrardrulluklessum, og svo er kjafturinn líka fullur af drullu

Mamma er að fara að neyða mig í sturtu núna og segir að ég sé ekki húsum hæfur, skítugur og illa lyktandi. Ég ætti því að vera orðinn hreinn, strokinn og vellyktandi næst þegar við hittumst, þ.e.a.s. ef mömmu tekst að draga mig í sturtuna

 

Pálmi bætti eigið met á EM

Ekki hundasund

  

Ég er stoltur af hluthafanum

Fjórir íslenskir keppendur í úrslitum á EM